Mazimuriyaa 67

Galataa Mazimuriyaa

Zammaaretuwaa Kaappoo Yes'etteedda, Diitsaan Waas'eteedda Mazimuriyaa, sabaa

1S'oossay nuw k'arettonne nuuna anjjo;

bare som"iyaa nu bollan poo'isso.

2Ne ogetuu ha sa'aa bollan,

ne ashshiyaa wolk'k'aykka,

kawutetsatuwaa ubbaa gidduwaan erettino.

3Abeet S'oossaw, Asay neena galato;

asay ubbay neena galato.

4Kawutetsatuu ubbay, «Hashshu!» giide,

nashshechchaw yiino.

Ayaw gooppe, neeni asaa s'illotetsan pirddaasa;

k'ay sa'aan de'iyaa kawutetsatuwaa kaaletsaasa.

5Abeet S'oossaw, Asay neena galato;

asay ubbay neena galato.

6Biittay katsaa mokkeedda;

S'oossay, nu S'oossay nuuna anjjeedda.

7S'oossay nuuna anjjeedda.

Sa'aa gas'aa gakkanaw de'iyaa Asay ubbay aw yayyo.