Mazimuriyaa 142

S'oossaa Maaduwaa Demanaw Shiik'eedda Woosaa

Akeekan S'aafetteedda Daawita Timirttiyaa, Gonggolo giddon de'iyaa wode Aa woosaa

1Ta k'aalaa d'ok'k'u ootsaade, Med'inaa Godaw waassay.

Ta k'aalaa d'ok'k'u ootsaade,

Med'inaa Godaw watiwatay.

2Ta k'ohuwaa ubbaa aw magannay;

ta metuwaa ubbaa aw oday.

3Taani hidoota k'ans's'ana matiyaa wode, neeni ta ogiyaa eraasa.

Taani hamettiyaa ogiyaan taw gitiyaa k'osi wotseeddino.

4Taani ta yuushshuwaa s'eelliyaa wode,

taana maaddiyaawe ittuunne baawa;

taani k'osetta attiyaa sa'ay baawa;

taana naagiyaawekka baawa.

5Abeet Med'inaa Godaw, taani,

new hawaadan gaade waassay;

«Neeni taani bak'ataade attiyaa sa'aa;

taani pas'a de'ishshin, taana gakkeedda saamay neena» yaagay.

6Taani loytsa metootiyaa diraw,

ta waasuwaa hayzza.

Taana yederssiyaawanttu,

taw loytsi wolk'k'aameedda diraw,

taana unttunttuppe ashsha.

7Taani ne suntsaa galatana mala,

taana k'ashuwaappe billa.

Neeni taw keekiyaa diraw,

s'illotuu ta yuushshuwaan shiik'ana.