Mazimuriyaa 136

Galataa Mazimuriyaa

1Med'inaa Godaa galatite! Ayaw gooppe, I keeka;1

aggena Aa siik'uu med'inaawaa.

2S'oossatuwaa S'oossaa galatite!

Aggena Aa siik'uu med'inaawaa.

3Godatuwaa Godaa galatite!

Aggena Aa siik'uu med'inaawaa.

4Aa s'alalay wolk'k'aama malalissiyaabaa ootsee;

aggena Aa siik'uu med'inaawaa.

5Bare aad'd'eeda eran I salotuwaa med'd'eedda;2

aggena Aa siik'uu med'inaawaa.

6Biittaa haatsaa bollan mic'c'eedda;3

aggena Aa siik'uu med'inaawaa.

7Wolk'k'aama poo'otuwaa med'd'eedda;4

aggena Aa siik'uu med'inaawaa.

8Away gallassi mooddanaadan ootseedda;

aggena Aa siik'uu med'inaawaa.

9Aginayinne s'oolinttetuu

k'amma mooddanaadan ootseedda;

aggena Aa siik'uu med'inaawaa.

10I Gibs'e biittan bayiratuwaa wod'eedda;5

aggena Aa siik'uu med'inaawaa.

11Israa'eeliyaa asaa,

Gibs'eppe kaaletsiide kesseedda;6

aggena Aa siik'uu med'inaawaa.

12Bare mino kushiyan,

bare wolk'k'aama k'esiyaan hawaa ootseedda;

aggena Aa siik'uu med'inaawaa.

13Zo'o Abbaa shaakki yegeedda;7

aggena Aa siik'uu med'inaawaa.

14Israa'eeliyaa asaa,

he abbaa gidduwaana pintseedda;

aggena Aa siik'uu med'inaawaa.

15Gibs'e kaatiyaanne Aa olanchchatuwaa

Zo'o Abban muukisseedda;

aggena Aa siik'uu med'inaawaa.

16I bare asaa kaaletsiide,

bazzuwaana aatseedda;

aggena Aa siik'uu med'inaawaa.

17Wolk'k'aama kaatetuwaa shoc'eedda;

aggena Aa siik'uu med'inaawaa.

18Eretteedda kaatetuwaa wod'eedda;

aggena Aa siik'uu med'inaawaa.

19Amooretuwaa kaatiyaa Sihoona wod'eedda;8

aggena Aa siik'uu med'inaawaa.

20K'ay Baasaane kaatiyaa Ooga wod'eedda;9

aggena Aa siik'uu med'inaawaa.

21Yaatiide unttunttu biittaa bare asaa laatisseedda;

aggena Aa siik'uu med'inaawaa.

22Bare k'oomaa Israa'eeliyaa laatisseedda;

aggena Aa siik'uu med'inaawaa.

23I nuuni kawusheedda wodekka nuuna k'oppeedda;

aggena Aa siik'uu med'inaawaa.

24Nuuna nu morkkatuwaappe ashsheeda;

aggena Aa siik'uu med'inaawaa.

25Med'etaa ubbaw k'umaa immee;

aggena Aa siik'uu med'inaawaa.

26Saluwaa S'oossaa galatite!

Aggena Aa siik'uu med'inaawaa.