Mazimuriyaa 13

Bare S'oossan Amaneteedda Asaa Woosaa

Zammaaretuwaa Kaappoo Yes'etteedda, Daawita Mazimuriyaa.

1Abeet Med'inaa Godaw, awude gakkanaw neeni taana dogay?

Med'inaw taana dogay?

Awude gakkanaw neeni taappe geemmayi?

2Taani ta k'ofaanna baas'etiyaawe

awude gakkanaassee?

Ubbaa gallassi kayyuu ta wozanaan de'anawe

awude gakkanaassee?

Ta morkketuu ta bolla goobanawe

awude gakkanaassee?

3Med'inaa Godaw ta S'oossaw, haa taakko s'eellaade,

taw zaara.

Ta ayifiyaa poo'issaade,

hayk'k'uwaappe taana ashsha.

4«Nuuni Aa s'ooneeddo» yaagiide,

ta morkketuu c'eek'ettennaadan te"a.

Ta kunddetsan unttunttu nashettenaadan digga.

5Shin aggena ne maarotaan taani ammanettay;

neeni taana ashshiyaa diraw, taani nashettay.

6Med'inaa Godaw, taani new yes's'ana;

ayaw gooppe, neeni taw keekkaadda.