Mazimuriyaa 129

Israa'eelii Morkkiyaappe Attanaw Shiishsho Woosaa

Pudetsaa kesiidde yes's'eedda yetsaa

1Israa'eeliyaa Asay hawaadan yaago;

«Unttunttu ta yalagatetsaadeppe doommiide,

taana uk'k'inneeddino.

2Ee, unttunttu ta yalagatetsaadeppe doommiide,

taana uk'k'inneeddino;

shin unttunttu taana d'ayissibeykkino.

3Ta zokkiyaa k'ays's'eeriyaan shoc'i shoc'iide,

gosheedda shoyk'aa malatisseeddino» yaago.

4Shin Med'inaa Goday s'illo gideeddawe

iitatuwaa k'ashuwaappe taana billi yeddeedda.

5S'iyoone is's'iyaa ubbay,

yeellatiide guyye simmo.

6Golliyaa huup'iyaan mokkiide,

dic'c'anaappe kasetiide meliyaa maataa mala gido.

7He maataa buuc'c'anaw kushiyaan dankkiyaawe,

woy mirk'k'iyaa k'achchiyaawe ooninne baawa.

8He ogiyaanna aad'd'iyaawanttu,

«Med'inaa Goday wolk'k'aa immo» giina, c'akkiyaawanttu,

«Med'inaa Goday anjjo» giyaawe de'enna.