Isiyaasa 12

Galataa Yetsaa

1He wode hintte hawaadan yaagana:

«Abeet Med'inaa Godaw, neeni taana hank'k'ettaadda;

hank'k'uwaappekka simmaadda;

yaataade taana mintsetsaadda.

Hewaa diraw, taani neena galatay.

2«Be'ite, Med'inaa Goday ta atotetsaa;1

taani aan ammanettaade, yayyikke.

Ayaw gooppe, Med'inaa Goday,

taw wolk'k'anne yetsaa.

I ta atotetsaa gideedda»

yaagana.

3Ashshiyaa pulttotuwaappe haatsaa hintte nashshechchan duuk'k'ana. 4He gallassi k'ay hintte hawaadan yaagana:

«Med'inaa Godaa galatite!

Aa suntsaakka s'eesite.

Aa oosotuwaa kawutetsatuwaa ubbaa giddon erissite.

Aa suntsay d'ok'k'u d'ok'k'u geeddawaa awaayite.

5Med'inaa Goday wolk'k'aama oosuwaa ootseedda diraw,

aw yes's'ite.

Hawe sa'aa ubbaan eretto.

6Israa'eeliyaa Geeshshay hintte giddon

d'ok'k'u d'ok'k'u geedda diraw,

hinttenoo, S'iyoonen de'iyaawanttoo,

hombboc'ite! nashshechchaw yes's'ite!»

yaagana.