ያቆባ ኪታ

ያቆብ

ጻፌዳ ኪታ

ገሉዋ

ሀ ኪታ ጻፌዳ ያቆብ ጎዳ የሱሳ እሻፐ አትን ታማነ ላኡ የሱሳ ካልያዋንቱፐ እቱዋ ግደና። እካ የሩሳላመን ደእያ አማንያ አሳ ካለያ ጭማ (ጋል 2:9)። ሀ ኪታይ ጻፈቴዳዌ እት ዎሳ ጎላትዉ ግደናን ሮመ ካዉተ ግዶን ላለቴዳ አይሁዳ አማንያዋንቱ ኡባቱዋሳ ግዴዳ፥ ኑናካ ሀቼ ሀቼ ደኡዋ ካለያ ቆፋቱዋ ኦይቄዳ። ጻፈቴዳዌካ “አላምያ ኡባን ላለቴዳ ጾሳ አሳሳ”። ሀ ማጻፋ ጻፌዳዌ አዳ ኤራተ ኑን ኦሱዋን ፔሽያ ሂላነ አማንያ አሳ ኤሻነ ሀኖታ ታማርስያ ኦግያ ካለሱዋ እምያ የዋቱዋ ምስልያዳን ቆንጭያን በሴ።

ህዬሳተባ፥ ዱረተባ፥ ፓጭያባ፥ ሎኦ ኤሻባ፥ ቃናትያባ፥ አማኑዋባነ ሎኦ ኦሱዋባ፥ እንጻርሳ ማዱዋባነ ቆሁዋባ፥ አዳ ኤራተባ፥ እቱ እቱዋና ዋላቀትያባ፥ ኦቶሩዋባነ አሽከተባ፥ ሀራ አሳ ቦላ ፕርድያዋ፥ ጬቁዋባ ዎይ አዩዋባ፥ ገንጫባነ ዎሳባ፥ አማንያ አሳይ ደአናዉ በስያ ኦግያ ኡባ ጻፌዳ።

ኪታይካ ክርስትና ደኡዋን አማኑ ኦሱዋን ፔሻና ሀኖታባ ቆንጭሲደ በሴ።

ሸምፓቱዋ ኡባቶ እመቴዳ ቃን ቆፋቱዋ

ገሉዋ 1:1

አማኑዋነ አዳ ኤራተ

ህዬሳተባነ ዱረተ

ፓጭያ

ጾሳ ቃላ ስሱሳነ ኦሱዋ ቦላ ፔሹሳ

ሀነና ኦግያን እቱ ሀራዉ ማደና ማላ እመቴዳ ኦዱዋ

አማኑዋነ ኦሱዋ

አማንያ አሳነ እንጻርሳፐ ከስያ ሃሳያ

አማንያ አሳነ ሀ አላምያ

ዱማ ዱማ የዎ እመቴዳ ማቁዋ