Dawro Full Bible Ethiopic
ሆሰ 3
ሆሰአነ ሻርሙጻ ምሽራቶ
መና ጎዳይ ታና፥ “እስራኤልያ አሳይ ሀራ ጾሳቱዋኮ ስሚደ፥ ዎይንያ ቴራ መላ ኡክ ሲቅሽንካ መና ጎዳይ ኡንቱንታ ሲቅያዋዳን፥ ባ፤ ባደ ላገቱዋ ሲቃደ፥ ሻርሙጻደ ደእያ በን ነ ማቻቶ ኔንካ ዛረደ ሲቃ” ያጌዳ።
ታን እዞ ታማነ እቼሹ ጻጋራ ብራንነ ጼታነ እሻታሙ ኪሎ ግራመ ዴጽያ ዛርጋን ሻማድ። እዞ፥ “ኔን ሻርሙጸናንነ ሀራ አሳና ደኤናን ታናና ዳሮ ዎድያ ደአናዉ ኮሼ። ታንካ ኔናና ደአና” ያጋድ።
ሄዋዳንካ፥ እስራኤልያ አሳይ ካቲ ዎይ ካፑ ባይናን፥ ያርሹ ዎይ ኤቃ ቱስ ባይናንነ ኤፉድያ ግያ ማዩ ዎይ ሶ ግዶ ኤቃ ምስሊ ባይናን ዳሮ ዎድያ ደአና። ሄዋፐ ጉይያን፥ እስራኤልያ አሳይ ስሚደ፥ መና ጎዳ ባረንቱ ጾሳነ ዳዊታ ባረንቱ ካትያ ኮያና፤ ዉርሰ ጋላሳቱዋን ኡንቱንቱ ኮኮሪደ፥ መና ጎዳኮነ አ አንጁዋኮ ያና።
Dawro Full Bible Ethiopic. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.