ኤራንቻ

ኤራንቻ ማጻፋ

ገሉዋ

“ኤራንቻ ማጻፋ” ግዶን ጻፈቲደ ቤትያዋንቱ፥ አሳ ደኡ ቃን ግድያዋ ጻላላ ግደናን፥ ዳቡራይ፥ ሻቢርሳይ፥ ፕርዳ ጌላተይነ አርጋጫይ ኩሜዳዋ ግድያዋ ኤሪደ፥ “አሳ ደኡ መላ” ያጊደ ቃቼዳ እት ኤራንቻ ቆፋቱዋ። ሀ ኤራንቻይ አሳ ደኡዋ ዉርሰ ጋካናዉ ናግያ፥ ጾሳ ኦሱ አየንቶ ኤራናዉ አዉ እጸቴዳ። ግዶፐነ አሳይ ባረ ደኤዳ ላይ ኡባንነ ባረዉ ዳንዳየቴዳ ኬሻ ኡባን፥ ምኒደ ኦናዌነ ጾሳይ እሜዳባቱዋን ናሸታናዋ ኮሽያዋ ዞሬ።

ኤራንቻ ቆፋቱዋፐ ዳርያ ባጋቱ እቱ እቱዋና ጋከተና ጼላቱ ደእያዋንታነ ህዶታ ቃንጽያ ሀኖታቱ ደእያዋንታ። ግዶፐነ ሀ ማጻፋይ ጌሻ ማጻፋ ግዶ ገሌዳዌ፥ ጌሻ ማጻፋ ቦላ ኤቄዳ አማኑ ሀራይ አትና፥ ሀ እቱ እቱዋና ጋከተና ቆፋነ ስ ኩሜዳ ማጻፋ ባረ ጎምፓን ኦይቂያ ኬሻ አኮ ግድያዋ በሴ። ሀዌ ሀ ኤራንቻ ማጻፋይ አሳ ደኡዋ ማስቶትያዳን በስያ ድራዉ፥ ዳሮ አሳቱ ሀ ማጻፋፐ ምንዋ ደሜድኖ። ሄዋዳንካ ሀ ቆፋቱዋ ኦይቄዳ ጌሻ ማጻፋይ፥ እን እካ፥ ደኦ ዎልቃማ ብለ እምያ ጾሳን ህዶታ ኦናዳን ዞርያዋ አኬኬድኖ።

ሸምፓቱዋ ኡባቶ እመቴዳ ቃን ቆፋቱዋ

ደኡዋ ብለ

ደኡዋባዉ ጌተቴዳ ሃሳያቱዋ

ዞርያ ኡባ ዪቻ

ጾሳ ቦንቹሳነ አዛዘቱሳ