1 ተሰሎንቀ

ጳዉሎስ

ተሰሎንቀ አሳዉ

ጻፌዳ ኮይሮ ኪታ

ገሉዋ

ተሰሎንቀ ማቅዶንያ ጌተትያ ሮማ ቢታዉ ዋና ካታማቶ። ጳዉሎስ ተሰሎንቀን አማንያዋንቶ ሺሼዳዌ፥ ፕልጵስዮሳ ቢታ የግ ቤዳዋፐ ጉይያና። ግዶፐ አትሽን፥ አይሁዳቱዋ አማኑዋ አካናዉ ማቴዳ አይሁዳ ግደና አሳቱ ጳዉሎስ ታማርስያ፥ አማኑዋ ትምርትያ ዶሴዳ ድራዉ (1:8-10)፥ አይሁዳቱ ጳዉሎሳ ቃናቲደ፥ ጳልቀ ደንድኖ። ሄዋ ድራዉ ጳዉሎስ ተሰሎንቀ የዲደ፥ ቤርያ ጌተትያ ጋድያ ቤዳ። ታኪደ እ ቆሮንቶሳ ጋኬዳ ዎደ፥ ማታን አ ማድያ ጽሞቶስ ተሰሎንቀ ቢደ ስሞዋፐ ጉይያን አማንያ አሳ ሀኖታ አዉ ቆንጭሲደ ኦዴዳ።

ጳዉሎስ ኮይሮ ኪታ ተሰሎንቀ አሳዉ ጻፌዳዌ፥ አማንያዋንታ ምንሳናሳነ መንናሳ። እ ኡንቱንቱ አማኑዋባነ ሲቁዋባ ሎኦ ዎርያ ስሴዳ ድራዉ፥ ጾሳ ጋላቴ። ካሰ እ ኡንቱንቱ ግዶን ሄዙ ሳምንታ (ኪታ 17:1-9) ደኤዳ ዎደ፥ አይ ማላ ደኡዋ ደኤደንቶ ኡንቱንታ አኬክሴ። ሄዋፐ ጉየ ክርስቶሳ ላኤንዋ ዩሳ ጼሌዳዋን ደንዴዳ ኦሻቶ ዛሩዋ እሜ። ሄ ኦሻቱዋፐካ አማሬዳዋንቱ: “ክርስቶስ ሀ አላምያ ስማናፐ ካሰቲደ ሀይቄዳ አማንያ አሳይ፥ ክርስቶሳ ስማይ እምያ መና ደኡዋ ሻክ አካናዉ ዳንዳዪ? ክርስቶስ ስሚደ ያናዌ አዉዴ?” ያግያዋንታ። ጳዉሎስካ ሄ ጋከቴዳ ዎድያ ጎኤቲደ፥ “ክርስቶሳ ላኤንዋ ዩሳ ትምርትያ ህዶታን ናጊደ እ ያና ጋካናዉ ዎፑ ጊደ ህንተንቱ ኦሱዋ ኦተ” ያጊደ ኡንቱንታ ዞሬ።

ሸምፓቱዋ ኡባቶ እመቴዳ ቃን ቆፋቱዋ

ገሉዋ 1:1

ጳዉሎሳ ናሸቻነ ጋላታ

አማንያዋንቱ ደኡዋ ካለያ ኦግያ

የሱሳ ላኤንዋ ዩሳ ትምርትያ

ዉርሰ ማቁዋ

ቁትያ