La Amɛ 99

Nyɛ je Anunyami Matsɛ ɔ yi

1Yehowa ji Matsɛ! Nimli ɔmɛ a he nɛ kpokpo! E hii si ngɛ matsɛ sɛ ɔ nɔ ngɛ Bɔfo He buli ɔmɛ a kpɛti. Zugba a tsuo nɛ hoso.

2Yehowa hii si ngɛ Zion ngɛ agbo jemi mi; e ye zugba a nɔ matsɛ ɔmɛ kulaa a nɔ. 3A je o biɛ nɛ kle nɛ he ngɛ gbeye, nɛ ngɛ klɔuklɔu ɔ yi.

4Matsɛ Hewalɔ nɛ ɔ yeɔ dami sane. Dami sane yemi ji oti ngɛ e nɔ́ fɛɛ nɔ peemi mi, nɛ e kojoɔ ngɛ Israel tsuo. 5Nyɛ je Yehowa wa Mawu klɔuklɔu ɔ yi! Nyɛ kpla si ngɛ e nane nya, ejakaa e ngɛ klɔuklɔu.

6Benɛ Mose kɛ Aaron kɛ Samuel nɛ ji e gbalɔ ɔ kpa ngmlaa kɛ tsɛ lɛ nɛ e ye kɛ bua mɛ ɔ, e ha mɛ heto. 7E kɛ mɛ tu munyu kɛ je bɔ kuu kpii ɔ mi. A hɛɛ e he odase yemi, nɛ a pɛtɛ mlaa amɛ nɛ e wo mɛ ɔ a he. 8Oo Yehowa, wa Mawu! O ha mɛ heto nɛ o ngɔ a yayami ɔmɛ kɛ ke mɛ, se kɛ ɔ, o gbla a tue benɛ a tɔ ɔ.

9Nyɛ je Yehowa, wa Mawu ɔ yi, nɛ nyɛ sɔmɔ ngɛ Yerusalem ngɛ e yoku klɔuklɔu ɔ nɔ.