La Amɛ 95

Mawu ji wa tɛ sa kɛ wa kpakalɔ

1Oo, nyɛɛ ba, nyɛ ha nɛ wa la kɛ ha Neneene Tsɛ ɔ! Wa la bua jɔmi la kɛ wo wa yi wami hemi tɛ sa a hɛ mi nyami.

2Nyɛ ha nɛ waa ba e hɛ mi kɛ sina, nɛ wa la kɛ bua jɔmi kɛ ha lɛ. 3Ejakaa e ji Mawu agbo, nɛ e ji Matsɛ ngua nɛ kle pe mawuhi kulaa. 4Lɛ ji nɔ nɛ hɛɛ je ɔ sisi tomi ɔmɛ kɛ yoku ngua amɛ tsuo; e níhi ji kulaa. 5Lɛ ji nɔ nɛ bɔ wo ɔ, nɛ lɛ e pee zugba a; kulaa e níhi i. 6Nyɛɛ ba, nyɛ ba kpla si ngɛ Tsaatsɛ Mawu wa Bɔlɔ ɔ hɛ mi. 7Ejakaa lɛ ji wa Mawu. E tohi ji wɔ, nɛ lɛ ji wa Kpakalɔ. Oo, nyɛɛ bu tue, e ngɛ nyɛ tsɛe mwɔnɛ ɔ nɛ nyɛɛ ba e ngɔ!

8Nyɛ ko wa nyɛ tsui kaa bɔ nɛ Israel bi ɔmɛ pee ngɛ nga a nɔ ngɛ Meriba kɛ Masa a. 9Lejɛ ɔ nɛ nyɛ tsɛ ɔmɛ je mi nguane ngɛ, tsɛ be ɔ, a na ye nyakpɛ ni tsumihi babauu hyɛ. A ni bimi ɔmɛ hao ye tsui.

10“Jeha nyingmi eywiɛ sɔuu nɛ i hao ngɛ nimli nɛ ɔmɛ a he, nɛ i de ke a ji ma nɛ a susumi kɛ a tsui be ye he. Nɛ a kua ye mlaa amɛ a nɔ yemi. 11Lɔ ɔ he je ɔ, i ka kita ngɛ mi mi fumi mi ke a be Siwomi Zugba a, he nɛ a ma na he jɔmi ngɛ ɔ nɔ yae.”