La Amɛ 82

Kojoli yayahi a hɛ mi kami

1Tsaatsɛ Mawu hii si ngɛ hiɔwe kojomi sɛ ɔ nɔ, nɛ e kojoɔ kojoli ɔmɛ. 2Mɛni be nyɛ maa kojo lakpa kojomi kɛ ya si, nɛ nyɛ maa bu yi mi wali mohu bemi. 3Nyɛ fa ohiafo ɔmɛ kɛ awusa amɛ a blɔ nya he, nɛ nyɛɛ ye dami sane kɛ ha nɔ́ nalɔ kɛ nɔ nɛ be nɔ ko ɔ. 4Nyɛ kpɔ ohiafo ɔmɛ kɛ ni nɛmɛ nɛ ngɛ fimi mi ɔ kɛ je nimli yayami ɔmɛ a dɛ mi. 5Se nyɛ li nɔ́ ko, nɛ nyɛ nui nɔ́ sisi. Nyɛ nyɛɛ diblii mi, nɛ dami sane yemi laa ngɛ je ɔ mi tsuo. 6I tsɛ nyɛ tsuo “mawuhi,” kɛ “Hiɔwe Lokoo Tsɛ ɔ bimɛ.” 7Se kɛ ɔ, nyɛ ma gbo kaa nimli adesahi nɔuu. Nyɛ wami se maa po kaa matsɛ tsuaa matsɛ.

8Oo Tsaatsɛ Mawu, moo te si nɛ o kojo je ɔ, ejakaa o nɔ́ ji zugba a tsuo.