La Amɛ 76

Kpɔmi he sina

1Mawu biɛ kle ngɛ Yuda kɛ Israel. 2E we ji Yerusalem. Nɛ e sihi he ji Zion Yoku ɔ nɔ. 3Nɛ lejɛ ɔ ji he nɛ e kuɔ wa he nyɛli ɔmɛ a ta hwumi ni ɔmɛ ngɛ.

4Neneene yoku ɔmɛ kɛ mo sɔɛ ngɛ anunyami mi! 5Wa yeɔ wa he nyɛli ngua amɛ a nɔ. A hwɔɔ gbenɔ mahe ngɛ wa hɛ mi. Nɔ ko nɔ ko be nyɛe ma wo nine nɔ ngɛ wa nɔ. 6Yakob Mawu, benɛ o nga a yi ɔ, okpɔngɔhi kɛ a nɔ hili ɔmɛ nɔ si. 7E be nyakpɛ kaa a yee mo gbeye saminya. Mɛnɔ ma nyɛ da Mawu mi mi fumi nya. 8O kojo mɛ kɛ je hiɔwe tɔɔ; zugba a hoso nɛ e pee dii ngɛ o hɛ mi. 9O te si nɛ o maa gbla yayami peeli ɔmɛ a tue, nɛ o fa nihi nɛ he jɔ ngɛ zugba a nɔ ɔ a he. 10O tsakeɔ nɔmlɔ yaka mi mi fumi ke woɔ o hɛ mi nyami. O ngɔɔ kɛ peeɔ o he dlami nɔ́.

11Moo ye si ɔmɛ kulaa nɛ o wo Yehowa o Mawu ɔ nɔ. Nɔ tsuaa nɔ nɛ wo nike ni kɛ ba ha lɛ. A bu lɛ nɛ a ye lɛ gbeye. 12Ejakaa e kuɔ matsɛbihi kɛ pueɔ si, nɛ e peeɔ zugba a nɔ matsɛ ɔmɛ gbeye níhi.