La Amɛ 58

Yi mi wali a tue gblami

1Nyɛ kojoli, anɛ nyɛ kojoɔ ngɛ dami nya lo? Nyɛ nɔ yeli, anɛ nyɛ yeɔ dami sane lo? 2Dabi, dika yemi he pɛ nyɛ susuu, nɛ nyɛ yeɔ awi ngɛ zugba a nɔ. 3A fɔ mɛ yayami peeli, nɛ a bɔni lakpa yemi kɛ je a jokuɛwi a si tɔɔ 4A ngɛ kaa sinɔ duɔtsɛhi, loo sanga nɛ tsi e tue, 5konɛ e ko nu sinɔ tsopatsɛ ko gbi.

6Oo Tsaatsɛ Mawu, moo ku a so ɔmɛ. Mo kplɔ jata bi nɛ ɔmɛ a lungu ɔmɛ ngɛ a nya mi. 7Mo ha nɛ a mii kaa nyu ngɛ zugba gbigbli nɔ. Nɛ o ha a ta hwumi ni ɔmɛ a he nɛ ko ba se nami. 8Nɛ a laa kaa ahua laa ngɛ basa mi; nɛ o ha a gbo kaa bɔ nɛ bimwɔwi gboɔ ngɛ muɔ nɔ nɛ a nɛ pu hɛ mi ɔ. 9Mawu maa wɛɛ mɛ, nikɔtɔma kɛ jokuɛ tsuo. E ma ngla mɛ oya pe bɔ nɛ la tsoo kɛ nuu kutu sisi loko e dɔɔ la a.

10Dali maa na yayami peeli nɛ ɔmɛ a tue gblami ɔ nɛ a bua maa jɔ; nɛ a maa nyɛɛ nga nɔ he nɛ dikali ɔmɛ a muɔ pue si ngɛ ɔ. 11Nɛ nɔ fɛɛ nɔ maa na kaa dali ngɛ hiɔwo, nɛ niinɛ Mawu ko ngɛ nɛ yeɔ dami sane ngɛ zugba a nɔ.