Biblica® Open Dangme Living New Testament & Psalms 1997
La Amɛ 54
Mawu yeɔ kɛ buaa nɔ́ nali
Oo Tsaatsɛ Mawu, moo ba kɛ he wami nɛ o ba he ye yi wami. Mo fa ye he kɛ o he wami ɔ. Oo, moo bu ye pɛɛ kpami ɔ tue. Ejakaa yi mi wali kɛ basabasa peeli nɛ li Mawu ɔ ngɛ hlae nɛ a gbe mi.
Se Mawu ji ye yemi kɛ bualɔ, nɛ lɛ ji nɔ nɛ le ye he nyɛli ɔmɛ. E ma ha ye he nyɛli ɔmɛ a ni peemi ni yaya amɛ ma kpa bu a nɔ. Oo Mawu, moo tane dikali nɛ ɔmɛ a yi ngɛ o si womi ɔ nya. I ma je ye tsui mi kɛ sã bɔ kɛ ha mo; nɛ ma je o biɛ ɔ yi, oo Tsaatsɛ Mawu, ejakaa e sa.
Ejakaa o je mi kɛ je ye haomi slɔɔto ɔmɛ tsuo a mi, nɛ o ha i ye ye he nyɛli ɔmɛ a nɔ kunimi.
Biblica® Open Dangme Living New Testament & Psalms 1997. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.