La Amɛ 14

Nimli a yi mi wami

1Nɔ nɛ ma de ke, “Mawu be” ɔ, jamɛatsɛ ɔ e li nɔ́. Nɛ nɔ nɛ ma de ja a, nɔmlɔ puɛpuɛ kɛ musutsɛ nyagbe ji lɛ.

2Nutsɔ ɔ ngɛ nimli a bimɛ hyɛe kɛ je hiɔwe lokoo kaa nɔ́ lelɔ ko ngɛ a kpɛti nɛ suɔ kaa e maa pee Mawu suɔmi nya ni lo. 3Se e nɛ nɔ kake po; yayami puɛ mɛ tsuo nɛ a tla kɛ je Mawu blɔ ɔ nɔ. Nɔmlɔ dalɔ kake po be. 4A yeɔ ye bi ɔmɛ kaa a yeɔ abolo nɛ a susuu we sɔlemi he. Anɛ nɔ́ pɛ nɛ a li kikɛ ɔ lo?

5Se be ko ma nɛ gbeye maa nu mɛ, ejakaa Mawu kɛ ni nɛmɛ nɛ suɔ lɛ ɔ ngɛ. E ji a he. 6Ohiafohi kɛ humihi kɛ nihi nɛ a ngɛ mɛ amimi yee ɔ a wesa he ji lɛ. 7I na nɛ mwɔnɛ ɔ ji a yi wami hemi be ɔ, nɛ Mawu maa je Zion kɛ ba nɛ e ba he e nimli ɔmɛ a yi wami. Mɛni bua jɔmi nɛ e bi ɔmɛ be nae be mi nɛ e ma kpɔ Israel?