La Amɛ 138

Sina sɔlemi

1Tsaatsɛ Mawu, i ngɛ mo si nae kɛ ye tsui kulaa. I ma la ma je o yi ngɛ mawu ɔmɛ tsuo a hɛ mi. 2I wo ye hɛ mi kɛ kpee o Sɔlemi We ɔ, nɛ i kpla si kɛ ngɛ sɔlee kɛ ngɛ mo si nae ngɛ o suɔmi nɛ be nyagbe kɛ o anɔkuale yemi ɔ he, ejakaa o tsɔɔ kaa o biɛ ɔ kɛ o munyu ɔ mi jiɔ. 3Ligbi ɔ nɛ i tsɛ mo ɔ, o he nɔ, nɛ o wo mi he wami.

4Oo Tsaatsɛ Mawu, zugba a nɔ matsɛ ɔmɛ tsuo ma je o yi, ejakaa a nu o si womi ɔmɛ. 5A ma la o ni tsumi ɔmɛ a he la, ejakaa o anunyami kle. 6Tsaatsɛ Mawu kle mohu se e buu he si bali, nɛ he nɔ woli ɔmɛ lɛɛ e kɛ a kpɛti kɛ. 7Haomi babauu bɔle mi mohu se o ma je mi kɛ je a mi slɔkee. O maa te si kɛ si ye he nyɛli nɛ a mi mi wo la a, o he wami ɔ ma kpɔ mi. 8Neneene Tsɛ ɔ ma tsu blɔ nyahi nɛ e to kɛ ha mi ɔ a he ni, ejakaa o suɔmi ngɛ daa. Mo ko ngmɛɛ ye he kɛ fɔ si, ejakaa mo nɛ o bɔ mi.