La Amɛ 130

Mawu blɔ hyɛmi

1Tsaatsɛ Mawu, i kpa ngmlaa kɛ tsɛ mo be mi nɛ ye hɛ nɔ kami tsuo ta. 2Oo Neneene Tsɛ, moo bu ye ngmlaa kpami ɔ tue; moo bu ye kue fami ɔ tue nɛ o ye kɛ bua mi!

3Tsaatsɛ Mawu, ke o kɛ wɔ maa ye ngɛ wa yayami ɔmɛ a nya a, mɛnɔ ma nyɛ si maa da? 4Mo wo kɛ ke wɔ, bɔ nɛ pee nɛ waa ye mo gbeye. 5I ngɛ Tsaatsɛ Mawu mlɛe nɛ e ye kɛ bua mi; e munyu ɔ ji ye hɛ nɔ kami. 6I ngɛ lɛ blɔ hyɛe po pe bɔ nɛ nyɔ hwɔɔlɔ hyɛɔ je nanɛɛ blɔ ɔ.

7Israel, mo wo o hɛ kɛ fɔ Tsaatsɛ Mawu nɔ, ejakaa e suɔmi ɔ be nyagbe, nɛ e hlaa be fɛɛ be kaa e ma he wa yi wami. 8E ma he Israel yi wami kɛ je e tɔmi ɔmɛ tsuo a mi.