Biblica® Open Dangme Living New Testament & Psalms 1997
La Amɛ 121
Yehowa ji o he bulɔ
I wo ye hɛ nɔ kɛ ngɛ yoku ɔmɛ hyɛe; jije ye yemi kɛ buami maa je kɛ ba? Ye yemi kɛ buami maa je Neneene Tsɛ ɔ, nɔ nɛ bɔ hiɔwe kɛ zugba a ngɔ. E be hae nɛ o nane maa sane; nɔ nɛ baa o yi ɔ, e dí kɔnɔɛ. O nɛ, nɔ nɛ buu Israel he ɔ, e di kɔnɔɛ, nɛ e be mahe hu hwɔe ligbi ko.
Yehowa ji o he bulɔ; lɛ ji o he doolɔ. Piani ɔ, pu be mo saae, nɛ nyɔ mi hu nɔ́ ko be mo pee. Yehowa maa bu o he kɛ je yayami kulaa mi; e maa baa o yi. Tsaatsɛ Mawu maa bu o kpo jemi kɛ o mi bami he kɛ je be nɛ ɔ mi kɛ ya neneene.
Biblica® Open Dangme Living New Testament & Psalms 1997. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.