Biblica® Open Dangme Living New Testament & Psalms 1997
La Amɛ 114
Hebemi kaimi
Be mi nɛ Israel hia kɛ je Mizraim, nɛ Yakob we ɔ hia kɛ je ma je li a kpɛti ɔ, Yuda ba plɛ e nimli klɔuklɔuhi, kɛ Israel hu e nɔ yemi he.
Wo Tsutsu ɔ na mɛ nɛ e mi gba enyɔ, nɛ Yordan Pa a hu ha mɛ blɔ nɛ a be. Yoku ɔmɛ tuu kaa to kuhi; nɛ kpo ɔmɛ hii kaa to bihi. Wo Tsutsu, mɛni he je nɛ o gba o mi enyɔ? Yordan Pa, mɛni ba o nyu ɔmɛ a nɔ? Mɛni he je nɛ a kpale se? Nyɛ yokuhi, mɛni he je nɛ nyɛ tuu kaa to kuhi? Nɛ nyɛ kpohi hu, mɛni ba nɛ nyɛ hii kaa to bihi?
Oo zugba, mo hoso ngɛ Tsaatsɛ Mawu hɛ mi, Yakob Mawu ɔ. Lɛ nɛ e ha nyu jee tɛ sa mi nɛ e plɛɔ pa, nɛ e haa tɛ pleɔ nyu hɛ ngmɛ nɛ baa.
Biblica® Open Dangme Living New Testament & Psalms 1997. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.