La Amɛ 112

Dali a jɔɔmi

1Nyɛ je Tsaatsɛ Mawu yi! A gbaa nɔ nɛ yeɔ Neneene Tsɛ ɔ gbeye, nɛ e bua jɔɔ e mlaa amɛ a he nɛ e yeɔ a nɔ ɔ.

2E bimɛ maa pee he wali ngɛ zugba a nɔ; nɛ a maa gbaa dali a bimɛ nɛ maa ba ngɛ a se ɔ. 3E ma na ni babauu, nɛ hɛ be e ni kpakpahi nɛ e pee ɔmɛ a nɔ jee gblee. 4Ke diblii wo lɛ ɔ, la ma kpɛ kɛ ha lɛ. Ejakaa dloolɔ kɛ mɔbɔ nalɔ kɛ dalɔ ji Yehowa. 5Nɔmlɔ nɛ mi mi jɔ, nɛ e haa nɔ nɔ́, nɛ e tsuɔ ni ngɛ anɔkuale yemi mi ɔ, e nɔ tsuaa nɔ yaa nɔ bɔ nɛ sa.

6Nɔ ko nɔ ko be dalɔ nyɛe ma je kɛ je e da he ligbi ko; nɛ a ma kai lɛ kɛ ya neneene. 7Amaniɛ yobu pui e tsui, nɛ nɔ́ nɛ maa ba a wui e he gbeye. Ejakaa e wo e hɛ kɛ fɔ Yehowa nɔ be tsuaa be kaa e maa hyɛ e nɔ. 8E tsui hɛwi; nɛ nɔ́ ko wui e he gbeye kɛ yaa si be nɛ e maa ye e he nyɛli ɔmɛ a nɔ. 9E mi mi jɔ, nɛ e dlooɔ ohiafohi. E dami kɛ e anɔkuale yemi be nyagbe. E maa ye nguɔ nɛ a maa bu lɛ.

10E nɔ yami ɔ maa pee dikali abofu gu, nɛ a maa je. A yi mi tomi ɔmɛ maa pee yaka.