Dhankavi Bible
2 तीमुथियुस 1
नमस्कार
पौलुसन चा रयन सी जो, ओको जीवन की प्रतिज्ञा क लारे जो मसीह ईशु मा छे, यहोवा–भगवान की मरजी छे मसीह ईशु क प्रेरित छे। 1
मोंगावु पोर्या तीमुथियुस क नाव यहोवा–भगवान बास आरू हामरा पोरबु
मसीह ईशु की आरू छे तुखे फोकटन दया आरू दया आरू शांती मिवती रोवे।
धन्यवाद आरू बढ़ावु
जिना यहोवा–भगवान की सेवा मा आपसा बास दादा की रीति पर चुखो विवेक छे करता छे, तिनान धन्यवाद होय कि हाव आपसी प्रार्थना मा तुखे रातने दाहडु फोम करतो छे। आरू तारा आसा की सुधि कर करीन रात दाहडु तुखे छे भेंट करने की लालस राखता छे कि खुशी छे भर जाय। 2मखे तारे वोखे निष्कपट विश्वास की सुधि आवती छे, जो पेहल तारी नानी लोइस आरू तारी आश यूनीके मा हुता, आरू मखे छाचो छे कि तुखे मा भी छे। इनी कारण हाव तुखे याद देवाड़ता छे कि तु यहोवा–भगवान क ओको वरदान क जो मारे हात राखने क तुखे मिव्यो छे प्रज्वलित कर देय। काहकि यहोवा–भगवान हामु क डर नी पुन शक्ति आरू मोंग आरू संयम क आत्मा देदी छे।
एरकरीन आमरो पोरबु की गवा छे, आरू मखे छे जो ओको कैदी छे, लज्जित नी होय पर ओको यहोवा–भगवान की शक्ति क लारे खुश खबर क करता मारे साथे दुःख झेलीयो। जो हामरा उध्दार कर्यो आरू चुखलो बुलावट छे बुलाया, आरू यो आमरो काम क लारे नी; पर ओका उद्देश्य आरू ओको फोकटन दया क लारे छे जो मसीह ईशु मा अमरकाय छे हामु पर होया छे। पर हिमी हामरा उध्दारकरता मसीह ईशु क प्रगट हुयने क द्वारा प्रकाशित हुयो, जो मरन क नाश कर्या आरू जीवन आरू अमरकाय डील क ओको खुश खबर क द्वारा चमकाड़ देदा। 3
जिना क करता हाव खबरक, आरू प्रेरित, आरू शिक्षा देने वाळा भी ठराय। इनीये कारण हाव इन दुःख क भी झेलतो रये छे, पर लाज नी काहकि हाव ओको जिना पर हाव ने विश्वास कर्या छे, जानता छे; आरू मखे छाचो छे कि वो मारी जवाबदारी की उना दाहड़ा तक राखवावी कर सकता छे। जो सची वात तु ने मखे छे सोमवी छे उनको ओको विश्वास आरू मोंग क साथे जो मसीह ईशु मा छे, आपसी विजुत बनावीन राख। आरू चुखलो आत्मा क द्वारा जो हामु मा बस्यो हुयो छे, इनीये वारली धरोहर की राखवावी कर।
तु जानता छे कि आसियावाळा सब मखे छे पछु गया छे, जिनमा फूगिलुस आरू हिरमुगिनेस छे। उनेसिफुरूस क घराने पर पोरबु दया करे काहकि त्यो घोणा बार मारा जीव क ठंडो कर्यो आरू मारी साकव छे लज्जित नी हुयो। पर जव वो रोम मा आश, तो मोटो यत्न छे हेरीन मखे छे भेंट करी। पोरबु करे कि उना दाहड़ाम ओको पर पोरबु की दया होय आरू जो जो सेवा त्यो इफिसुस मा की छे तीनुक तु भली भाति जानता छे।
Source notes (3)
- Cross-reference प्रेरितन 16:1
- Cross-reference प्रेरितन 16:1
- Cross-reference 1 तीमुथियुस 2:7
Dhankavi Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.