Filibi

Kiŋwakti kə Bɔɔl nì nyaka i kijuŋni ki

Filibi

Gia yə yi kɔ i Kiŋwakti ki Filibi kələ mə

Kiŋwakti kələ nì nyaka Bɔɔl i kijuŋni ki bəni bə bumni i Filibi. Ki num i mbaŋ wi biŋwakti biə wi nì nyaka i juŋ yi nsəŋ mə i Lum. Gia yə yi nì fə na ka Bɔɔl nyaka kiŋwakti kələ, a nì kɔ i chusi a ŋgaiŋ yɛiŋ kpɔ wə kijuŋni ki Filibi nì chiŋsi. Fwu wi gia wi Bɔɔl i kiŋwakti kələ mə kɔ a, “I yiŋ wə, mih kabə num wiwɔm, yaka mih kɔ a i Klistus, mih ka kpi, a ni numki num mbee i mih.” Bɔɔl dzakaki kɔm mbum bi Bah wibukumbɛiŋ Jisɔs Klistus, si wi nì shisi gwu yi ka mfa, Nyɔ ka yaksi wi, wi jiə wi i di bimbum wə bi tsə bi mi wichi. Wi yiŋti bɔ a nɔni kibɔ i Klistus kɔ kinya ki Nyɔ biəli shɔm yi yindzɔŋni yə wi kaŋaki i bɔ tsə dzəh i shɔm yə bɔ jiə i Klistus wə, a kɔbi a bɔ jiəki bənchi bə kwili bə Bəju. Kiŋwakti kələ dzaka nalə kɔm kisaŋli bəh i jiəki mfi i gia yi Klistus wə kiməŋni kɔbi bəh i numki i kijuŋni wə bəh i kaŋaki shɔm i bumni wə bəh i nɔni kələ wə.

Kifwu ki gia kə ki kɔ i Kiŋwakti kələ mə

1:1-11 Kin'yisi

1:12-26 Gia yə yi nì num bəh Bɔɔl

1:27–2:18 Nɔni ki mi wə wi chiŋni bəh Klistus

2:19-30 Ndzaka kɔm Timɔti bəh Ɛbaflɔditus

3:1–4:9 Ntəfi kɔm bəmbaiŋŋni bəh bəŋgəkə

4:10-20 Bəni bə Filibi kɔ nsɛ́iŋ yi Bɔɔl

4:21-23 Bimbɔni