1 Kɔlɛn

Kiŋwakti ki ninshiŋ kə Bɔɔl nì nyaka i kijuŋni ki

Kɔlɛn

Gia yə yi kɔ i Kiŋwakti ki Kɔlɛn ki ninshiŋ kələ mə

Kijuŋni ki bəni bə bumni i Kɔlɛn kɔ num a nì yisi Bɔɔl. Wi nì nyaka kiŋwakti ki ninshiŋ kələ i təfi bɔ kɔm shɔ́m yə bɔ jiə i Klistus wə bəh gia yidɔkɔ kɔm Klistus. Kɔlɛn wələ nì kɔ di shi shili fɛiŋ nalə, bəni bə fɛiŋ ghaŋsi gwu kɔm nɔni kibɔ ki kwili, kinyɛŋ ki tɔkɔlini num tə fɛiŋ na bəh ŋga, bɔ tsa tə i bənyɔ bəduli. Bɔɔl lansi dzaka i kiŋwakti kələ mə kɔm gia yə yi ndzɔŋki kə, yə yi nì numki i kintəəŋ ki bəni bə bumni wə. Kimbu 13 kɔ kə ki chusiki a kiŋkɔŋ kɔ kinya ki Nyɔ, ki tsə bənya bəchi. Kəmaka kimbu chusiki a, akɔ kə bəni kiəki ndzɔŋki i kiŋwakti kələ mə.

Kifwu ki gia kə ki kɔ i kiŋwakti kələ mə

1:1-9 Kin'yisi

1:10–4:21 Kiŋgali i kintəəŋ ki kijuŋni ki bəni bə bumni

5:1–7:40 Kɔm nɔni kinyɛŋ ki tɔkɔlini bəh kɔm nɔni ki miŋkpaŋa bəh nyuwi

8:1–11:1 Kɔm bə bəni bə Klistus bəh kɔm bə̀ bɔ kɔkə bəni bə Klistus

11:2–14:40 Si kijuŋni ki bəni bə bumni kɔ fəki gia bəh dzəh yə bɔ kɔ i tsaki yɛiŋ

15:1-58 Bəni bə bumni bi dza lə i kpi wə asi Jisɔs nì dza

16:1-4 Kinya kə bə nì nyaki i gamti bəni bə Klistus bə Judea yɛiŋ

16:5-24 Kimfasi kə Bɔɔl nì fasi bəh kiŋgɔksi ki gia