Ishipa 93

Ka̱shile mogono maꞋa

1Vuzavaguɗu wi ta̱ o tsugono,

wi ta̱ n tsugbayin

Vuzavaguɗu wi ta̱ n tsugbayin kpamu wi ta̱ n utsura

Vu zuwa ta̱ aduniya a̱ ubuta̱ u na i,

i tana a̱ kugba̱ɗa̱ ba.

2Vuzavaguɗu, kakuba ko tsugono ka̱ nu

ka yaꞋan ta̱ ushikpi mayin ali n ugiti ɗe,

vi ta̱ lo ali n ugiti.

3Vuzavaguɗu, aɓau a̱ ɗa̱nga̱ ta̱,

aɓau a̱ ɗa̱ngusa̱ ta̱ a̱la̱ka̱tsu e le

i ta̱ a̱ kuvuzukpa sa n yura̱.

4Vuzavaguɗu wi ta̱ o tsugono gaɗi,

tsugono ci ni ci ta̱ n tsugbayin,

tsu laꞋa ta̱ yura̱ ya aɓau a mala,

tsu laꞋi utsura wo oroꞋo a̱ mini.

5Vuzavaguɗu, wila̱ u kadanshi u nu u shamgba ta̱ n utsura,

kpaꞋa ku nu ki ta̱ ciɗa,

ko wannai.