Ishipa 3

Avasa a usana a̱ kula̱nsa̱ uɓa̱nki

Vishipa vu Dawuda a makyan ma na u sumai a̱ a̱shi a Abusalom kolobo ka̱ ni.

1Vuzavaguɗu, irala i va̱ yi ta̱ n a̱bunda̱i,

aza a na i a tsurala nu mpa a yimkpa ta̱.

2n a̱bunda̱i i ta̱ a kadanshi ka̱ va̱, a kudana,

<<Ka̱shile ka ku isa yi ba.>>Kuvuka

3Ama avu Vuzavaguɗu, avu ɗa vi a̱ kula̱na̱ mu a̱ ubuta̱ dem,

avu ɗa vi ci neke mu ulyaꞋi,

vi kpamu e kuneke mu utsura u ka̱ɗu.

4N ci yaꞋan ta̱ meɗevile u Vuzavaguɗu adama a̱ uɓa̱nki,

u tsu ushuki mu ta̱ ta na a kusan ku ciɗa ku ni.Kuvuka

5N tsu vaku ta̱ n lata,

ka̱ta̱ n ɗa̱nga̱ gbaga,

adama a na Vuzavaguɗu ɗa wi a̱ kula̱na̱ mu.

6Mi a kupana wovon u uma a̱kpa̱n-a̱kpa̱n ba,

aza a na i a tsurala nu mpa ukambu dem.

7Ɗa̱nga̱, Vuzavaguɗu!

Vu isa mu Ka̱shile ka̱ va̱!

Vu lyaꞋa irala i va̱,

vu una uma a gbani-gbani ra̱ka̱.

8Wishi u tsu ta̱wa̱ ta̱ u Vuzavaguɗu,

yaꞋan u zuwaka uma a̱ ni una̱singai.Kuvuka