Ishipa 136

Ishipa i kucikpa Ka̱shile MalaꞋimili

1Cikpai Vuzavaguɗu.

adama a na a̱yi vuza kasingai ɗa,

Ucigi u ni u na u tsu sabaꞋa ba wi ta̱ lo ko wannai.

2Cikpai Ka̱shile

a̱yi na u laꞋi a̱ma̱li dem.

Ucigi u ni u na u tsu sabaꞋa ba wi ta̱ lo ko wannai.

3Cikpai Vuzavaguɗu,

a̱yi na u laꞋi a̱ma̱li dem,

Ucigi u ni u na u tsu sabaꞋa ba wi ta̱ lo ko wannai.

4a̱yi ɗa koci u ci yaꞋan

ili i mereve i gbagbaꞋin,

Ucigi u ni u na u tsu sabaꞋa ba wi ta̱ lo ko wannai.

5a̱yi na n kuyeve ku ni ɗa u yaꞋin gaɗi,

Ucigi u ni u na u tsu sabaꞋa ba wi ta̱ lo ko wannai.

6a̱yi na u zuwai aduniyan

a gaɗi vu mini mu uga̱vi,

Ucigi u ni u na u tsu sabaꞋa ba wi ta̱ lo ko wannai.

7a̱yi na u yaꞋin kutashi ku gbagbaꞋin,1

Ucigi u ni u na u tsu sabaꞋa ba wi ta̱ lo ko wannai.

8kanna adama a na ka lyaꞋa

tsugono tsu kanna,

Ucigi u ni u na u tsu sabaꞋa ba wi ta̱ lo ko wannai.

9wotoi n azangata adama a na

a lyaꞋa tsugono tsu kayin,

Ucigi u ni u na u tsu sabaꞋa ba wi ta̱ lo ko wannai.

10a̱yi ɗa wu unai muku mu ugiti ma aza a Masar,

Ucigi u ni u na u tsu sabaꞋa ba wi ta̱ lo ko wannai.

11wu utuka̱i aza a Isaraila a̱ ka̱tsuma̱ ke le

Ucigi u ni u na u tsu sabaꞋa ba wi ta̱ lo ko wannai.

12n kukiye ku utsura n ili i mereve,

Ucigi u ni u na u tsu sabaꞋa ba wi ta̱ lo ko wannai.

13a̱yi na u pecei mala ma shili ugboku ure,

Ucigi u ni u na u tsu sabaꞋa ba wi ta̱ lo ko wannai.

14u tonoi n aza a Isaraila a walai e mere ma̱ ni,

Ucigi u ni u na u tsu sabaꞋa ba wi ta̱ lo ko wannai.

15ama ɗa u niꞋwa̱ta̱ngi FiriꞋauna

n osoji a̱ ni a mala ma shili,

Ucigi u ni u na u tsu sabaꞋa ba wi ta̱ lo ko wannai.

16a̱yi na u tonoi n uma a̱ ni e meremune,

Ucigi u ni u na u tsu sabaꞋa ba wi ta̱ lo ko wannai.

17a̱yi na u lapai ngono m gbagbaꞋin,

Ucigi u ni u na u tsu sabaꞋa ba wi ta̱ lo ko wannai.

18ɗa wu unai ngono m gbagbaꞋin,

Ucigi u ni u na u tsu sabaꞋa ba wi ta̱ lo ko wannai.

19Sihon, mogono ma aza a Amoriya,

Ucigi u ni u na u tsu sabaꞋa ba wi ta̱ lo ko wannai.

20n Ogu, mogono ma Bashan,

Ucigi u ni u na u tsu sabaꞋa ba wi ta̱ lo ko wannai.

21U nekei iɗika i le ci iliyuka̱ni,

Ucigi u ni u na u tsu sabaꞋa ba wi ta̱ lo ko wannai.

22iliyuka̱ni u kagbashi ka̱ ni Isaraila,

Ucigi u ni u na u tsu sabaꞋa ba wi ta̱ lo ko wannai.

23a̱yi na u cinukpai n a̱tsu ba

a makyan ma na a lyaꞋi tsu.

Ucigi u ni u na u tsu sabaꞋa ba wi ta̱ lo ko wannai.

24Wi isai tsu e ekiye a Irala i tsu,

Ucigi u ni u na u tsu sabaꞋa ba wi ta̱ lo ko wannai.

25a̱yi na u ci neke ili i wuma ra̱ka̱ ilikulyaꞋa,

Ucigi u ni u na u tsu sabaꞋa ba wi ta̱ lo ko wannai.

26Cikpai Ka̱shile ka gaɗi,

Ucigi u ni u na u tsu sabaꞋa ba wi ta̱ lo ko wannai.