Ishipa 130

Ma̱shi ma vuza na u shika̱i unushi u ni

Vishipa vu kugaɗukpa a kubana a̱ ubuta̱ wa̱ a̱ga̱nda̱.

1Avu Vuzavaguɗu, n ɗeke wu ta̱

a̱ ka̱tsuma̱ ka atakaci a̱bunda̱i a̱ va̱,

2Avu Vuzavaguɗu, pana ma̱shi ma̱ va̱,

zuwa atsuvu, vu pana ka̱la̱ka̱tsu ka̱ va̱,

ka̱ kula̱nsa̱ uɓa̱nki.

3Avu Vuzavaguɗu,

vi baci e kukece unushi u tsu,

yayi wa ku shamgba?

4Ama vu tsu cinukpaka ta̱ uma unushi,

adama a na a pana wovon u nu.

5N zuwa ta̱ ka̱ɗu ka̱ va̱ u Vuzavaguɗu,

wuma uva̱ wa̱ ni ɗa u ɗa wi,

kpamu a kadanshi ka̱ ni ka n zuwai ka̱ɗu ka̱ va̱.

6Wuma u va̱ wi ta̱ a mali ma Vuzavaguɗu

ali u laꞋa tsu na aza a kindi

a ci yaꞋan mali ma na ene usana.

mayun, u laꞋa ta̱ tsu na aza a kindi

a ci yaꞋan mali ma na ene usana.

7Avu Isaraila, zuwa katsura u Vuzavaguɗu,

adama a na a̱ ubuta̱ u Vuzavaguɗu

ucigi wi ta̱ lo,

a̱ ubuta̱ u ni kpamu wishi wi ta̱ lo.

8A̱yi tana wi ta̱ a ku wawa aza a Isaraila

a̱ ka̱tsuma̱ ku unushi u le dem.