Ishipa 127

Ucikpi u kasingai ka̱ Ka̱shile

Vishipa vu kugaɗukpa a kubana a̱ ubuta̱ wa̱ a̱ga̱nda̱.Vishipa vu Sulemanu.

1Vuzavaguɗu ɗa baci u maꞋin kpaꞋa ba,

ulinga wa aza a kumaꞋa gbani ɗa.

Vuzavaguɗu ɗa baci we erei likuci ba,

gbani ɗa a zuwa aza a kindi.

2Gbani ɗa i ci ɗa̱nga̱ n usana ka̱li-ka̱li

yi kpamu o kubono a kpaꞋa ga̱ba̱ ba,

yi atakaci adama a ilikulyaꞋa.

Adama a na u tsu zuwa ta̱

aza na u cigai a uvuka mayin.

3Mayun, muku mo olobo kuneꞋe ku ɗa,

a̱ ubuta̱ u Vuzavaguɗu,

muku katsupu kaꞋa wa̱ ni.

4Tsa ayaꞋa ekiye o kosoji,

nannai ɗa muku mo olobo n na

a matsakai vuza a ayin a utsura u ni.

5Vuza vu ma̱za̱nga̱ ɗa,

a̱yi na majiki ma̱ ni

ma shanai tukpa n ele.

Wi a kuyaꞋan wono ba,

a makyan ma na wi a̱ vishili n irala i ni,

n ubuta̱ u koɓolo, a̱ utsutsu u likuci.