Ishipa 110

Vuzavaguɗu m mazagbi ma̱ ni

Vishipa vu Dawuda.

1Vuzavaguɗu u danai Vuzagbayin vu va̱,

<<Da̱sa̱ngu e kukiye ku usingai ku va̱

ali a makyan ma na n zuwai irala i nu

yo okpoi a ɗaka vu ene a̱ nu.>>

2Ili i na i ɗikai a Sihiyona

Vuzavaguɗu wi ta̱ o kudoku wanshi tsugono tsu nu,

vi lyaꞋa tsugono wa irala i nu.

3Ka̱bunda̱i ko osoji ki ta̱ a kuciga kuyaꞋan kuvon,

a kanna ko kuvon ka̱ nu.

A uki nu ntogu n ciɗa n tsugbayin,

tsu na ciza tsu usana tsu uta̱

nannai ɗa a̱ɗa̱nga̱ni a̱ kuta̱wa̱ wu.

4Vuzavaguɗu u kucinai

wi a̱ kusabaꞋa kusheshe ku ni kpamu ba,

<<A vu ganu ɗa vu ayin ko wannai,

tsu Melikizedeku.>>

5Vuzavaguɗu wi ta̱ e kukiye ku usingai ku nu,

wi ta̱ a ku una ngono

a kanna ka wupa u ni.

6Wi ta̱ a kukiɗaka uduniyan afada,

u shatangu le n even a ikyamba,

wi ta̱ o ku ɓososo aza o tsugono aduniyan.

7Wi ta̱ o ku soꞋo mini mo kuɗolu

ma na mi ɗevu n uye,

adama a nannai wi ta̱ a̱ kuɗengusa̱

ka̱ci ka̱ ni a̱ ka̱tsuma̱ ku ulyaꞋi.