Nehemiya

NEHEMIYA

Kuɓa̱yuwa̱

A̱ ciya̱ kuyeve vuza na u ɗanai katagarda ke Nehemiya ba. Katagarda ke Ezira n ka Nehemiya i ta̱ an nwalu koɓolo. Ali ma a katagarda ka ciɗa ka na a ɗanai n tsa aza a Ibirahi, katagarda ka Ezira n ke Nehemiya katagarda kete kaꞋa.

Ili i na katagarda ka nampa ki a kadanshi ɗaɗa e neke arabali tsu na Vuzavaguɗu u yotsongi usuɓi u ni a̱ ubuta̱ u kubono n uma a Isaraila a na uta̱i a iɗika i tsugbashi a kubana a Urushelima, n tsu na kpamu u maꞋasakai mashilya ma̱ likuci ma. Katagarda ka kpamu ko yotsongu ta̱ tsu na e nekei aza a Isaraila kadanshi o yongo n usuɓi o kuyotsongusu ku Musa.

Na ɗa ili i gita̱i punu a katagarda ke Nehemiya ka.

1 Uboni u Nehemiya a Urushelima tsu na mogono ma Pashiya me nekei kadanshi adama a na wo okpo vuza vu tsugono a uɓon u Yahuda.

2 A maꞋasakai mashilya ma Urushelima.

3 UgaꞋin u kukece kuyotsongusu ku Musa n tsu na uma a Isaraila a̱ shika̱i unushi u le.

4 Ulinga u Nehemiya u na u buwai o tsugono ci a uɓon u Yahuda.

Ili i na yi punu

Nehemiya u bonoi a Urushelima 1:1--2:20

A maꞋasakai mashilya ma Urushelima 3:1--7:73

E kecei kuyotsongusu ku Musa ɗa kpamu a sabasakai uzuwakpani 8:1--10:39

Kagimi ka ulinga u Nehemiya 11:1--13:31