Irimiya 47

Akaka a dama aza Filistina

1Na ɗa a kadanshi kana Vuzavaguɗu u danai Irimiya keneki a dama Filistina kafu na FiriꞋauna u banka Gaza kuvon.

2I na Vuzavaguɗu dansai i ɗa na.

La̱na̱i, uteku tsu na mini mi a kuɗenga̱ a uɓon gaɗi,

wi ta̱ o kokpo kuɗolu ku na kulya.

ka̱ta̱ kulyaꞋa iɗika n i na yi punu dem.

likuci n aza na i punu ida̱shi i ɗa.

Ka̱ta̱ uma a likuci a̱ shika̱ kula̱nsa̱ uɓa̱nki,

ka̱ta̱ uma a na i ida̱shi iɗika a̱ shika̱

3ka̱ta̱ a pana ilama yo okotsu odoku an nwalu,

ilama ya ekeke odoku i rala

n kacaꞋa ki ilaɗi ya nshingi me ekeke e le.

Isheku yi a kukpatala isa muku n le ba,

a dama na ekiye e le a̱ kuwa̱ ta̱.

4A dama na kanna ka ka yawa ta̱,

kana a kuna aza Filistina ra̱ka̱

kana a ku loko ka̱ɓa̱nki dem

kana ka̱ kuɓa̱nka̱ Taya n Sidon.

Vuzavaguɗu u ciga ta̱ wu una aza Filistina,

kabuwi ka aza na i a ka̱kina̱ ka malaꞋa ma Kafito.

5Aza Gaza i ta̱ a kupuna a̱nji e le a dama a kpalu,

ka̱ta̱ Ashkelon u na̱mgba̱.

oꞋwo a̱ɗa̱ kabuwi ka aza na i a keteshe,

ali wanai ɗa i ku ka̱sukpa̱ ma ɗana ma ka̱ci ka̱ɗa̱?

6<< <OꞋo otokobi ka Vuzavaguɗu,

<wanai ɗa va kuvuka?

Ka̱ta̱ vu bono a iven i nu,

ka̱sukpa̱ ka̱ta̱ vu shamgba.>

7Ama nini ɗa ka ka vuka

ana wu okpoi Vuzavaguɗu ɗa u zuwai kaꞋa,

a̱ yi ɗa u zuwai ka

ka shilika̱ aza Ashkelon n aza ka̱kina̱ ka malaꞋa ba?>>