Wila̱

Kaciɓiki ka̱ wila̱

Kuɓa̱yuwa̱

Katagarda ka Kaciɓiki ka̱ Wila̱, o foɓuso ta̱ kaꞋa tsa akaka a kadanshi ka Musa a kubana wa aza a Isaraila a iɗika i Muwabu, a̱ ubuta̱ u na a shamgbai ana o kotsoi nwalu mu ugaɗi n le n na a yaꞋin e meremune, an i ɗevu n kuꞋuwa kuda̱sa̱ngu a iɗika ya aza a KanaꞋana.

I na i laꞋi n kugaꞋan ɗa yi punu uɗani a katagarda ka i ɗaɗa: (1) Musa u ciɓai ukuna u gbagbaꞋin wa̱ a̱ya̱ amangere a na a lazai. U folonoi uma a ciɓa n tsu na Ka̱shile ko tonoi n ele e meremune uteku tsu na o kutono yi n e nekei Ka̱shile tsugbayin. (2) Musa u wu ura̱na̱suka̱i wila̱ kupa, ɗa u zuwai katsura a ili i na wila̱ u iyain wi a kadanshi, e kuɗeke uma a cikpa Vuzavaguɗu koci. Ɗa kpamu wu ura̱na̱suka̱i wila̱ kakau u na u kutono n wuma wa aza a Isaraila a iɗika yu uzuwakpani. (3) Musa u ciɓakai uma ili i na i zuwai Ka̱shile ka yaꞋin uzuwakpani n ele, ɗa u folonoi le o tonosokoi wila̱ u na a zuwakai le. (4) Erengu ta̱ Jesuwa wo okpo vuzagbayin vu uma a̱ Ka̱shile. Ayin a na a kotsoi vishipa vu ka̱ɗiva̱ vu uneki u ka̱ɗu n Ka̱shile, ɗa u dansai ukuna wu una̱singai a̱ ubuta̱ wa aza a Isaraila, ɗa Musa u kuwa̱i a Muwabu, a uɓon u kasana u Kuyene ku Urudu.

Ukuna u kadanshi ka gbayin punu a katagarda ka ɗaɗa, Ka̱shile kisa ta̱ ɗa u zuwakai uma a uzagbi a̱ ni una̱singai, aza na u cigai. U gaꞋan ta̱ uma a̱ ni a ciɓa n ukuna u nampa, adama na a ciga yi ka̱ta̱ kpamu o tono kadanshi ka̱ ni, adama a na a̱ ciya̱ wuma ka̱ta̱ a lyaꞋa kelime n kuciya̱ una̱singai.

AbaꞋin a utsura a katagarda ka a ɗaɗa: KabaꞋin ka̱ 6:4-6, a na a ɗikai kadanshi ku udani u Yesu ka na u ɗekei wila̱ u na u laꞋi n utsura dem u ɗaɗa ta na <<Ciga Vuzavaguɗu Ka̱shile ka̱ nu n ka̱ɗu ka̱ nu koɓolo n wuma nu ra̱ka̱, koɓolo n utsura u nu feu dem.>>

Ili i na yi punu udari a katagarda ka nampa:

Kadanshi ka Musa ka iyain (

Kadanshi ka Musa ke ire (

A. Wila̱ kupa (

B. Wila̱, m tsuɓari (

Wila̱ tsu na a kuꞋuwa KanaꞋana (

Ura̱na̱suka̱i uzuwakpani (

Kadanshi ka Musa ku ukocishi (

Ukpa̱ u Musa (