Sam 70

Katarankung koehoi hlout nahanlah ratoumnae

Kathutkung: Devit

1Oe Cathut, kai rungngang hanlah karanglah kâroe haw.

Kai kabawp hanlah karanglah kâroe haw.

2Kai thei hanlah kakâcainaw teh

kayayeirai po laihoi awm awh naseh,

runae poe hanlah kakâcainaw heh

yawng awh naseh.

3Vehveh, na katetsinnaw teh

kaya laihoi yawng awh naseh.

4Nang na ka tawng pueng teh,

nang dawk lunghawi thahmeica lah awm awh naseh.

Na rungngangnae ka lungpataw naw ni pout laipalah,

Cathut teh pholen lah awm seh, telah tet awh naseh.

5Hatei, kai teh tami ka mathoe hoi ka voutthoup e lah ka o.

Oe, Cathut, karang na pâtam leih.

Nang teh ka rungngangkung hoi kabawmkung doeh.

Oe BAWIPA ngailawi awm hanh leih.