Sam 4

Yuemkamcunaw roumnae

Kathutkung: Devit

1Oe lannae Cathut,

na kaw toteh na thai pouh haw.

Ka runae hah na hlai haw.

Na pahren haw, ka ratoumnae hah na thai pouh haw.

2Oe tami capanaw,

ka bawilennae hah nâtotouh maw kayanae lah na coung sak awh han.

Nâtotouh maw ayawmyin hno hah na lungpataw awh vaiteh,

payonnae hah na tawng awh han. Selah.

3BAWIPA ni cathutlae tami teh a rawi tie hah panuek awh haw.

Ka kaw toteh BAWIPA ni na thai pouh han.

4Na lungkhuek yawkaw, yonnae teh sak hanh.

Na ikhun dawk na lung hoi pouk nateh duem awm.

5Lannae thuengnae hah poe nateh,

BAWIPA hah kâuep haw.

6Apinimaw hawinae na hmusak han na ka tet pouh e moi ao awh.

BAWIPA kaimouh koe na minhmai angnae hoi na tue haw.

7Cakang hoi misur moikapap a hmu awh dawk

konawmnae hlak kalenhnawn e konawmnae hah

ka lung thung na ta toe.

8Duem ka yan vaiteh, ka i han toe.

Bangkongtetpawiteh, Oe BAWIPA,

nang ni dueng doeh karoumcalah na o sak thai.