Sam 15

Cathut hoi rei hringnae nuen

Kathutkung: Devit

1BAWIPA, na lukkareiim dawk apimouh kangning han.

Na mon kathoung dawk apimouh kaawm han.

2Kângingnae hoi ka hring niteh,

lannae a sak laihoi a lung hoi lawkkatang ka dei niteh,

3a lai hoi tamthoe ka dei boihoeh niteh,

a imri lathueng thoenae sak laipalah,

a huinaw min hai ka pathoe boihoeh niteh,

4tami ka pacekpahleknaw hah a mit hoi khen hoeh,

hatei, BAWIPA ka taketnaw hah a bari teh,

thoebo laihoi lawk ka kam e teh ama pataw nahanelah ao nakunghai kamlang laipalah,

5a pung lahoi tangka ka cawi boihoeh niteh,

yonnae ka tawn hoeh e koe tadawnghno ka lat boihoeh e naw han doeh.

Hot patet e hno ka sak e naw teh, nâtuek hai kâhuen mahoeh.