Sam 130

BAWIPA ni ratangnae

Kathutkung: Panuekhoeh, tami tangawn ni Hezekiah a ti awh

1Oe BAWIPA, kai ni a dungnae koehoi na kaw.

2Oe Cathut, kaie lawk hah na thai pouh haw.

Kai ni ka kâheinae lawk hah hnâpakeng haw.

3Oe Bawipa Jehovah, nang ni payonnae hah

na pâkuem pawiteh, apimouh ka khang thai han va.

4Hatei, nang ni na ngaithoum dawkvah,

taminaw ni nang teh, na taki awh teh na bari awh.

5Kai teh, BAWIPA doeh ka ngaihawi.

Ka hringnae ni a ngaihawi.

Kai teh Bawipa e a lawk hah ka kâuep.

6Ramvengnaw ni amom a ngaihawi awh e hlak,

atangcalah ramvengnaw ni amom a ngaihawi awh e hlak,

ka hringnae ni Bawipa teh a ngaihawi.

7Oe Isarel miphun, BAWIPA hah ngaihawi awh haw.

Bangkongtetpawiteh, BAWIPA dawk pahrenlungmanae ao.

Ka kuep e ratangnae hai Bawipa koe ao.

8Bawipa ni Isarel miphunnaw teh

payonnae kaawm e pueng dawk hoi a ratang han.