Sam 127

BAWIPA ni im sak hoeh pawiteh

kathutkung: Solomon

1BAWIPA ni im sak hoeh pawiteh,

ka tawk e pueng ni ayawmyin doeh a tawk awh.

BAWIPA ni kho ring hoeh pawiteh,

ka ring e pueng ni ayawmyin doeh a ring awh.

2Amom ka thaw niteh, karumsaning torei ka ip niteh,

nget ka tawn lah tawk laihoi ka cat nakunghai,

ayawmyin doeh.

Bangkongtetpawiteh, Bawipa ni a pahren e naw koe

duedue inae a poe.

3Khenhaw! Canu capanaw teh, BAWIPA ni na poe e râw doeh.

Khe e camo teh, tawkphu doeh.

4Na naw nah na khe e canu capanaw teh,

athakaawme tami kut dawk e pala hoi a kâvan.

5Ama e palabom hah hote palasamtang hoi

ka kawi sak e tami teh a yawhawi.

Ahnimouh teh, kayanae awm mahoeh.

Tarannaw hah longkha koe a ngang awh han.