Revelation

REVELATION

JOHN HENGA THUPHON

Jesu galjona le loupina

I-Pathen uvin vai ahom jeh a jona nei dinga kouna!

Thuphon lekhabu sung thu umdan

Thuphon lekhabu hin, thu adih a tanna le khotona in, agilou chunga achaina leh jona anei ding chule lungkhamna jousea lhamonna umta ding ahi ti, eigeldoh sah uve. Pakai Jesun chonset le thina chunga jona aneitah jeh in, eihon jong ahunglhung ding Pathen Lenggam thudol gel pum'a hinkho iman diu tina ahi. Hiche themgao thuseidoh lekhabu hi Thulhun Thah a sim dia thanop umpen ahi.

Vetsahnan, Gospel li ho hin Pakai Jesu leiset a ahinkho man thudol ajih uvin ahi. Lekhathot hoa hin Jesu thodoh jouva atahsan ho lah a anatoh thudol akisun'e. Thuphon hin ahung ding Loupina Lengpa Pakai Jesu Christa ahi thudol ajih in, ajeh chu ngailutna neiya Ama hou ding chule Ama dinga ikipumpeh diu thu eiseipeh un ahi. Aman jona phatah a aneitah jeh a eihon jong hinkhoa kitilkhouna thei hoa thohhat tah a pan ilah diu akul'in ahi. Phat nunung lam le vannoi leiset hi I-Pakaiyu le Christa Lenggam hung hi ding chule Aman a tonsot-tonsot a vai ahom ding ahitai,

Lekhabu jihpa chule akijih kum

Gospel John le John lekhathot thum ho jih a pang Seijui John in Thuphon lekhabu hi AD 95 sunga ajih ahi, tihi alhangpia pomdan ahi.

Lekhabu akijihna le akithot lona

Hiche lekhabu hi Rome gamsung Asia gamkai (Tua Turkey), sunga Houbung sagi ho dia ana kijih ahi. Hiche Houbung ho chun Jesu Christa atahsan nauva kon, alhuh-lham nalou diuva gihna a kijih ahi. Chule lengho Leng pakai ho Pakai chun galjona anei ding thua lhamonna jong jao ahi.

Jesu Christa thuphondoh John in ajihlut