PATHEN LEKHABU THENG
La Bu 87
Pathen Khopi Loupi
Korah chilhah te labol
Moltheng chunga chun Yahweh Pakai tundohsa khopi chu aum'e.
Aman Jerusalem khopi hi Israel khopi dang ho sangin angailu joi.
O Pathen khopi, nangma chung chang ahi itibang thuloupi tah-tah kisei a hitam!
Keima eiheho lah a hin, Egypt le Babylon chule Philistine leh Tyre chuleh gamla tah Ethiopia jong kasimtha e. Amaho hi Jerusalem khomite ahitauve.
Jerusalem chung chang a hitia hi kisei ding ahi, “amijousen nammi hina a thaneina chu akipapi cheh uve”, chule hatchungnung ama tah in khopi chu phatthei aboh ding ahi.
Yahweh Pakaijin chitin namtin hi ajihlut teng, aseiding, “amaho jouse hi Jerusalem khomite ahitauve” atiding ahi.
Mipi ho chun theile amut'uva la asahdiu, “Kahinkho hung kipat nahi Jerusalem ahi” atidiu ahi.
PATHEN LEKHABU THENG. Copyright © 2020 Chongthu Bible Translation Team. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.