La Bu 85

Hepina Le Huhhingna Dia Taona

Korah chilhah te labol

1Yahweh Pakai nangin na gamsung'ah phatthei bohna nasunglhan ahi! Hiti chun nangin Israel phatthei naboh'in ahi.

2Nangman namite chonsetna nangaidam in hichun achonset nau jouse na lekhu peh e.

3Nangin na lunghan na natuh tang'in, na lunghanna deujah jengchu naki kham jie.

4Ei suhal kit uvin, eihuhhingpau O Pathen! kachung uva nalunghan na tolmang kittan.

5Kachung uva nalunghan jing jeng dingham? Na lunghanna khang jouse chung naumsah jing jengding hitam?

6Nei suhhal kit loudiu hitam? Namite kipa le thanom a aum jing theina ding a.

7Vo Pathen nami ngailutna longlou chu neimu sah'in nami huhhing najong neipe uvin.

8Pathen na Pathen chun ipi asei am, chingthei tah in ngai in ajeh chu Aman mi kitah ho kom'ah chamna thu asei e. Ahinla amaho angolna lampi uvah kilekit dahen.

9Tahbeh in Ama gingte dingin huhing na naicha um a ahi. Chuti leh igamsung u jong aloupina dimding ahi.

10Ngailutna longlou leh thutah akimuto'in chonphat na le chamna akichopto lhon e.

11Kitah nahi leiset a kon a hungdoh ahi. Chuleh chonphatna chu van'a kon a mai lhaisel'a hung kumlha ahi.

12Adih'e, Yahweh Pakaijin phatthei boh hi ahin lonlhahsah ahin gam leiset a hi ninglhing tah a ahin gadoh sah a ikisan ji u ahi.

13Chonphat nahin Yahweh Pakai hung nading semtoh nading nikho asap masat ji ahi.