La Bu 82

Pathen'in Migiloute Chunga Thu Atan Ding

Asaph labol

1Van'a thutanna chunga Pathen'in vai ahomin Van mite chunga athutanna aphondoh e.

2Nangman itihchan hi miphalouho napanpia thudihlou ho nachelhah sah dingham?

3“Chaga leh vaichate chungah thudih chepin lang; tahlel tele engbolla umte chungah thudih phongdoh in.

4Panpi bei tele engbolla umte huhdoh in, miphalouho khut a kon'in huhdoh-in.

5Hinla mibolse ten imacha ahepouve; amahokhu hetna lhasam ahiuve. Muthim noi a avah leuvin, leiset sungil lamgei in ahotling tai.

6Keiman kasei in, ‘Nangho Pathen nahiuve; nangho hatchungnung chilhah te nahiu ve.

7Hinlah nangho mihem tobang bep a nathi diu, thunei vaihom dang ho banga nalhuh tei diu ahi.’”

8Hung kipatin, O Pathen vannoi leiset hi athu tannin, ajeh chu chidang namdang ho jouse jonghi aboncha nanga ahi.