La Bu 43

Them Chansah Ding Le Huhdohna Dinga Taona

1O Pathen themmona bei kahi neiphongdoh in! Pathen ginglou hoa kon'in nei vengdoh in, chutengleh mikitah lou ho leh joupan hoa kon'in neihuhdoh in.

2Ajeh chu nang hi kakiselna Pathen nahi, ibol a neipaidoh hitam? Ibol a keima kadougal ten eibolset jeh a lunggim a kava lele dingham?

3Nadih na le navah na chu neihinsol peh in, hichun eilamhil hen. Hiho chun nangma chenna muol theng chu eilhut hen.

4Hikom'a chun keima Pathen maicham achu kasemjang puma kathang vah ding ahi, O Pathen.

5Idia lungkham kahim? Ipidinga kalung lhadah ham? Keiman kakinepna Pathen a koi inge! Eihuhhingpa le Pathen ka Pathen keiman nangma thangvah kit inge!