La Bu 132

Muntheng Phung Phatthei Channa Dia Taona

1Yahweh Pakai David hi athohgim na jouse pum in hin geldoh'in.

2Aman Yahweh Pakai ah kitepna gimneitah in anase in ahi. Aman Israel Pathen ah kitepna ananeijin ahi.

3“Keima kain ah cheponge, keima kicholdo ponge,

4keiman kamit kicholdo sah ponge ahilouleh kamit imutsah ponge,

5Keiman ka Yahweh Pakai dinga inkhat sahna ding mun kamu kahsen, Israel Pathen a dingin muntheng kamu kahsen!”

6Vetan hiche thing kong dinghi Ephrathah a aum'e ti kajaovin Jaar loujao dunga hiche mun hi kana mudoh tauve.

7Yahweh Pakai chenna mun a cheu hitin akengphang bul ah chibai boh'u hite.

8O Yahweh Pakai thouvin nacholdona mun a chun luttan nathahat melchihna thingkong chutoh lutthatan.

9Nathempu hon chonphatna ponsil chu kisil uhen; nalhacha dihtah hon kipa la sauhen.

10Nalhacha David khohsahna jal in, nathao nusa lengpa chu paidoh hih'in.

11Yahweh Pakai chu David kom'ah akihahsel in, kitepna nunglah doh kit louhel dingin: “Keiman nachilhah khat nalaltouna a katousah ding ahi.

12Nachilhah ten nang toh kakitepna leh ka Dan sem ho leh ka thuhil ho hi anit uva ahileh nalal touna hi chejom peh ding ahi,” ati.

13Ajeh chu Yahweh Pakaijin Jerusalem hi a inn chenna mun dinga adeilhen ahi.

14“Hiche hi tonsot a kacholngah na munding ahi” anati. Keima hiche mun a hi kachending ahi, ajeh chu hiche hi kadeilhen inn chu ahi,

15Keiman hiche khopi hi phatthei kaboh ding chuleh ijakai ka suhmang pehding ahi, keiman asunga um vaichate an kapehding,

16athemputeu chonphatna pon kasilpeh ding, asoh dihtah hon kipa la asahdiu ahi,

17Hiche mun a hi David thaneina khantousah ding, hiche kathaonupa hi kamite dinga thaomeivah hi ding,

18chuleh agal mite chu jumna le jachatna pon kasilpeh ding amavang leng loupitah kasosah ding ahi.