PATHEN LEKHABU THENG
La Bu 130
Yahweh Pakai Ngaidamna
O Yahweh Pakai lunglhahna kotong sunga kon'in nangma panpina kahinthum e.
O Yahweh Pakai kakanahi ngai in, kataona hi neingaipeh'in.
O Yahweh Pakai kachonset nauhi hoitah a namelchih ding hileh, koiham O Yahweh Pakai ahingdoh ding?
Ahinla Nangin nangma ginje kahetthem theina diuvin ngaidamna neipejiuvin ahi.
Keiman Yahweh ka Pakai nangma panpina kinem tah in kangah'e. Henge, keima nangma a ki ngaijing kahi. Keiman athusei katahsan'in hichea kinem a ngahjing kahi.
Keiman Yahweh Pakai chu ka ngahlel ngei e, kho ngahpan khovah ding angalel sangin kangahlel joi.
Vo Israel, Yahweh Pakaiya kinem in, ajeh chu Yahweh Pakai ahin longlou ngailutna um'a ahin chuleh ama a hin lhatdamna lhingset in aum'in ahi.
Ama tah in Israel chu achonsetna jouse a konna ahuhdoh ding ahi.
PATHEN LEKHABU THENG. Copyright © 2020 Chongthu Bible Translation Team. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.