PATHEN LEKHABU THENG
La Bu 124
Ama Tahsan Ho Yahweh Pakaijin Ahuhdoh
Yahweh Pakai hi eiho langa anapanglou hikhataleh? Israel te jousen velseikit hen.
Min eina delkhum pettah'un Yahweh Pakai hi eiho langa anapanglou hikhataleh,
ama hon alunghan u deojah pum in ahingin eina vallhum tauvinte.
Twi chun einachup uvin tin, twikhanglen chun einalhohmang diu ahitai.
Hitiachu ichung uva twipi kitoltol ding ahiuve.
Igal miteu eina suhmang sah louva Yahweh Pakai chu thangvahna peuhite.
Eiho thang kampa a kon a vacha ahoidoh banga hoidoh ihiuve. Thangpou chu akivobong tan eiho ihoidoh tauve.
Hitobanga kithopina chu vanle lei sem ah Yahweh Pakai a kon a imu'u ahi.
PATHEN LEKHABU THENG. Copyright © 2020 Chongthu Bible Translation Team. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.