PATHEN LEKHABU THENG
La Bu 114
Egypt'a Kon Israel Hin Puidohpa Yahweh Pakai Vahchoiyun
Israel te Egyptma kon a ajamdoh jouvun, Jacob insung miten hiche midang ho gamchu adalhah phatnun
Judah gamchu Pathen muntheng a sohdoh tan Israel chu alenggam asoh doh tan ahi.
Twipi San chun ahungu amun ajammangtan Jordan vadunga twi ho jong ana kiheimang'in,
Mol ho jong kelngoichal ho bangin akichom un thinglhang ho chu kelngoinou bangin akichom leuvin ahi.
Twipi San ipibol a na lhaimang loijeng ham? Jordan vadung ipibol a na lhaimang jengham?
Mol ho nangho ipidinga kelngoichal banga nakichop uham? Thinglhang ho ipi dinga kelngoinou banga nakichop uham?
O leiset, Yahweh Pakai angsung'leh Jacob Pathen masangah kithing thingin um in.
Yahweh Pakaijin songpi chu twi veina twikul asosah'in, songpi tahbetna kon'in twisam alondoh sahjin ahi.
PATHEN LEKHABU THENG. Copyright © 2020 Chongthu Bible Translation Team. Licensed under CC BY-SA 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-10-25.