La Bu 112

Yahweh Pakai Gin Jeh a Phattheina Ho

1Yahweh Pakai chu thangvah un! Yahweh Pakai ginna neija athupeh ho lunglhai tah a juiho dinga iti kipa um a hitam.

2Achaten muntin'a lolhinna anei ding ahi. Khangkhat lhingset a mipha ngen hina phatthei changdiu ahi.

3Amaho hung haodoh ding ahiuve chuleh athilpha bol u um jing jingding ahi.

4Michonpha ho dingin jan jeng jong avah'in ahi. Amaho hi ahongphal un, khotona aneiyun chuleh thudih achepiuvin ahi.

5Hongphal tah a sumpa hom ho leh thengtah a akiveina chepiho phatthei changdiu ahi.

6Hitobang miho chu thilsen asuhmo joulou ding ahi. Mikitah ho hi min asumil thei pon ahi.

7Amaho hin thuse hung kithangho jeng jong akichapon ama hon Yahweh Pakaijin ahoibit diuvin tahsan na dettah aneiyun ahi.

8Amaho hin tahsanna dettah aneiyun kichatna aneipouvin ahi, chuleh akidoupi hojeng jong jotei ding tahsan nan akimai topiuvin ahi.

9Hitobang ho hin panpi ngaichaho hongphal tah in apeuvin kiphaltah in mitoh chan aching khomji nom un ahi. Atohphat nahou geldoh'in aum jingin ahi. Amaho hin mi thujona leh jana achang'un ahi.

10Milungdihlou hon hiche hi mu uvin tin alung hanpi diu ahi. Ama hon lunghang tah in aha gel unte, chuleh akinepnau thonjeh in jumthet in kilapdoh tauvin te.