La Bu 1

BU KHATNA

Pathen Adia Mipha Leh Migilou

1Migiloute thuhil jom louva, michonse ho lamlhah dunga jong ding leh lou; chule Pathen ginglou ho kikhop na dunga jong tou khompi lou mi chu anunnom ahi.

2Hitobang miho chun Yahweh Pakai Dan thu a bou lunglhai na aneiyun, Yahweh Pakai Dan thu chu sun le jan in angaito jing jeng ui.

3Hitobang mi ho chu twi lonna luipanga kiphut, aphat cha hung gaji adojong gopjilou thingphung tobang ahi; hitobang miho jong chu atohna lam lam'uva alolhing jiuve.

4Yahweh Pakai ginglouho vang chutobang ahipoi: huilhoh mangle changvai tobangbep ahiuve.

5Hijeh a chu Yahweh Pakai gingloute chu thutan nikho tengleh themmo changdiu, michonse hon jong mikitah ho lah a mun aneiloudiu ahi.

6Ajeh chu Yahweh Pakaijin michonpha ho lamlhah ahetpeh jingin, Yahweh Pakai ginglou ho lampi vang manthahna'a lut diu ahi.